غريب امر النصر بصراحه الشباب كان فريق غير منظم وكأن النصر كان يبحث عن التعادل ولم يبحث بشكل جدي عن نقاط اللقاء الثلاث ..

والامر الاكثر حيره زينقا وما ادراك مازينقا هالمدرب اللي يذكرني بالمدربين التونسيين اللي يعتمد على الجانب المعنوي اكثر من الجانب الفني والتجهيز البدني والتكتيكي (( مدرب كل ماعليه الله يعطيكم العافية شدوا حيلكم ))

اجل فيه احد في العالم غير زينقا يطلع سعد الحارثي وهو مسوي شغل في المباراه ومتحرك وينزل ريان اللي يملك مواصفات مشابهه لمواصفات السهلاوي الحاضر الغائب !!

ويطلع عبدالرحمن القحطاني اللي قاعد يمتر الملعب ويوفر الكثير من الوقت في صناعة الهجمة النصراوية وينزل الزيلعي ويترك بتري في الملعب !!

عموما المباراه لم ترتقي الى المستوى المأمول ولا تليق باسم الفريقين

في نقطة اخيره عن التحكيم انا اشوف ان الحكم قاد المباراه بشكل جيد ويعاب عليه احتساب ركلة الجزاء الشبابية لانها غير صحيحه وعدم احتساب اخرى صحيحه والدليل على تشكيك الحكم في صحة ركلة الجزاء الشبباية هو عدم اعادتها بعد دخول لاعبين النصر الى منطقة الجزاء اثناء التنفيذ (( يعني جات من الله انها ماسجلت ))

...

فنجال يامال العافية

ما شفت المباريات كلها لكن نتائجهم جت في صالح الهلال وبتخدمه كثييير

اللي متعجبه منه الشباب مستواه هالموسم ما كان متوقع أبد لكن ان شاء الله انها كبوة جواد ويرجع لنا مثل ماكان

يعطيك العافية فنجوله
وودي ابارك لك فوز الهلال مقدماً بس أخاف ننصدم بكرة

مباراة موذاك المستوى الشباب نااقص خمس لاعبين
النصر مو في مستواه إلي شفناه في المباريات الماضيه
وفوق هذا كله التحكيم

بالتوفيق لليث في المباريات القادمه

الف شكر لك

للأسف كل المباراتين ما شفتها
لكن من الكلام اشوف ان مباراة النصر والشباب مو قويه
وماشاء الله القادسيه رباعيه الف مبرووك لهم هذا الفوز

المباراة ماكانت قويه وباردة من الطرفين
الشباب غير منظم وسطه ضااايع
واليوم ماشفنا فاعليه في الهجوم
يمكن لان الغيبات كان لها دور كبير وتاثير واضح على مستوى الفريق
..

بالنسبه للنصر الفريق ككل مشتت مافيه هجمات خطيرة تذكر
ولاصناع لعب يعتمد عليهم
ما ادري العقم هذا من وين من المدرب او من اللاعبين او من الاجانب!

اذا الشباب وهو ناقص وما قدروا عليه وشلون لو صفوفه مكتمله !!

الله يوفقنا في مباراتنا اليوم مع الوحدة ان شاء الله
يعطيتس العافيه فنجال على المخلص
عساتس على القوة يااااااارب
دمتي في حفظ الرحمن "

مباراااة ما فيهآ حمااس البته
على أني شبابي بس من نص الشوط الاول توقعت أكثر من هدف على مرمانا
المباراة كانت في نظري خساره للنصر وفوز للشباب على الأصابات والمستوى الي قدموه:(

شكراً فنجال