أبد مآ جيت أبآرك لك ..!

αşρiᴙiƞ ≈ · 26-08-2010, 07:24 AM

.

.

.

السلآم عليكم و رحمة الله و بركآته ،

صبحكم و مسآكم ربي بكل خير و عآفيه

.

قصيده لـ محمد الشهري ، رآقت لي و أكثر
فكآن النقل ..

.
.

أبد ما جيت أبارك لك و لكن جيت بأوصّيك
على اللي ناوي ٍ تدخل بهـا الليلـه مُعذّبْتـي

ترى لولا الظروف اللي عطتْك و حدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب أقوى ولا أدري ويش أسوّي فيك
نعم صارت معزّبتك ولا صارت معزّبْتي

كذا شاءت بنا الأقدار تحرمني لاجـل تعطيـك
كذا لازم عشان تفوز إنت أخسر بتجربْتـي

تراها غاليه جـداً وتكفـى والله يخليـك
تدللهـا تدلعهـا ، تنسّيـهـا مصاحبْـتـي

أنا من كثر ما أغليها أحس إني بديـت أغليـك
ولا تسـأل بأيّـة حـق ولا ّ وش مناسبْـتـي

لأنك لو بتسألني بتسمع شـي مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك : بطّـل مشاغبْتـي

واذا هي مالها خلقك ، ولا تضحك ولا تسلّيـك
تحمّلها وإسألهـا : يـا عمـري ليـه عصّبْتـي

وبالك أسمع إنّك يوم تضربها وهـي تشكيـك
ما يحتاج أورّي لك بفـن الضـرب موهبْتـي

صحيح إنك بتملكهـا ومعـك العقـد بالتمليـك
وأنا عارف حدود الله ومـن حقـك معاقبْتـي

ولكن قلّ لها المجنـون وصّانـي وهـو يعنيـك
يقول إنّـه بينتظـرك ولـو شيّـب وشيّبْتـي

و أنا مجنونها اللي ما نساها و انت مـا يمديـك
تغطّي ذكرياتي في هواها وربْـع تجربْتـي

أحس اني تماديت بكلامي ، والغضب حاديـك
ولو إنّك في مكاني ما تفكّـر فـي محاسبْتـي

كفاك إني تركت الليله أشغالي عشـان أجيـك
دخلت القاعه برجلي ولا أدري ويش عاقبْتـي

وأنا ما جيت أخرّب عرسك الليلـه ولا أذّيـك
أنا جيتك عشان أخاطبـك واسمـع مخاطبْتـي

توصّى وانتبه واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت إنّي أقوله وانـت مـا يخفيـك
أخاف إنّـي إذا قلتـه تقـوم وتقطـع رْقبْتـي

.

.

لتحميل القصيده صوتيه :

[ أبد ما جيت أبآرك لك ]

.

التوقيع :

اللهم استرنا فوق الأرض وتحت الأرض ويوم العرض ،

اللهم أحسن وقوفنا بين يديك ، ولا تخزنا يوم نعرض عليك !

سول ! · 26-08-2010, 07:35 AM

.

.

.

وعليكُم آلسسلآمْ ورحمة آلله وبركآته

يَ آلله آبيآتْ مـُؤثرة وتحزّن ..
تسسلميّ آسبرينْ

التوقيع :

سبحان الله وبحمده ، سبحان الله العظيم.

سـآمي ..! · 26-08-2010, 07:53 AM

أنا من كثر ما أغليها أحس إني بديـت أغليـك
ولا تسـأل بأيّـة حـق ولا ّ وش مناسبْـتـي

محمد الشهري ..
عنوان الحزن مرسوم في محياهـ ..
اعجبني كثيراً .. وانا احد متابعيه ..
من تقريباً قبل عامين ..
جمعتني به .. جلسه حزينه ..
وسألته عن هذا الحزن المرسوم
في قصائدهـ وفي نبرت صوته ..
فـ قال : ( من يوم ميلاد وهو معاشرني الحزن )
لأنه أفتقد غاليه .. في يوم ميلاده

:

أسبرين ..
كم وكم يعجبني قلمك ..
وراق لي ما نقلتي كيف لا
وهو محمد .. سيد المبدعين ..
وانتي .. سيدة المبدعين .. !!
حفظة ورعايته ..