مرحبتين شلهوب

قلبت المواجع بهالصور بصراحه كنت مع اعتزال الدعيع بس الذكريات مع عميد لاعبي العالم تجبر الجميع على الحزن على اعتزاله ،، عسى الله يوفقه في حياته الخاصه وبإذن الله نشوفه في البيت الازرق فتواجده مهم جدا ..

،،،،

الفدائي عمر الغامدي اكبر سقطات شبيه الريح وهذا الشي ماراح يوضح إلا بعد انتصاف الدوري ودخول الفريق في مهب مزاجية عزيز وتذبذب مستوى الغنام وبطاقات رادوي

عمر قادر يقدم موسمين من احلى مايكون وبتشوفون كيف كلامي صحيح الموسم الجاي ،، اللاعب من نوعية نادرة في الملاعب ،،

عسى الله يوفقه وجماهير الهلال ماراح تنسى هاللاعب ابد


اشتقنالك شلهوب

الدعيع لاعب كبير خساره للكره السعوديه وللهلال
بس كنت اتمنى انه لو اجل اعتزاله بعد بطولة اسيا

الغامدي بالتوفيق له مع الليوث ان شاء الله

يعطيك العافيه
لاهنت

حياك الله شلهوب سدير نورت

طولت الغيبات

صور رائعه ومحزنه في نفس الوقت الفراق صعب وخاصه مع اناس تحبهم

اعتقد ان الدعيع ماحد يقدر يوفيه حقه من ناحيه البطولات والولاء لنادي الهلال وايضا المنتخب وبطولاته وانجازاته تشفع بذلك يكفي انه حارس القرن بس العمر عاد اعتقد ان اعتزاله في وقت مناسب ليترك مكانه لحراس اعتقد انهم في الوقت الحالي افضل منه

اعتزال بعد بطولتين في سنه شي طيب



اما بالنسبه للاعب الخلوق عمر الغامدي الف شكر علي ماقدمه للكيان الازرق ولكن الكلام ينطبق عليه مثل الدعيع لاعب قارب علي 32 سنه وكثير اصاباته ولكن اعتقد ان الهلال في الوقت الحالي لايريدون الا لاعبين جاهزين
اعتقد ان الصفقه مميزه لصالح الهلال لأن الجيزاني عمره 27 سنه وامامه بالقليل 4 سنوات واعتقد انه للفريق الرديف مميز



الف شكر اخوي وننتظر جديدك وانشاء الله ماتقاطعنا

لا تزيــد المواجـــع ..

بصراحه صور تضيق الصدر ..

أبو عبدالعزيز راح ونقول لكل بطل نهاية يتوقف عندها وما نقول الا الله يسهل أموره ..

أبو فهد هو اللي بصراحه ماكنت أتمنى ولا كنت اتوقع أنه بيروح وبصراحه هاللاعب خللوق ويلعب للشعار اللي لابسه من جد ولد في الهلال وكم تمنيت أن ينهي مسيرته في الهلال ..


أنا أختلف كثيرا مع أبو حميد تمنيت لو راح الغنام ولا يروح الغامدي ..

عموما كل التوفيق لأبو فهد وأبو عبدالعزيز ..


شلهــوب ســدير .

ابداع وتألق وتميز ..

سعدنا بتواجدك في شبكة سدير وافتقدنا لك كثيرا ولمواضيعك وتغطياتك المميزه ..

يسلم لنا ابداعك والله يدوم سعادتك وهلاليتك ..

لا هنت حبيبي ..

وداعيــــــــه يا اخر ((مرمى ))يجمعنا

الله يوفق الاسطورة محمد الدعيع في حياتة الخاصة ..
وجودة بالهلال له هيبة ..تعودنا عليه من سمعت بالخبروانا اكتفي بالقراءةفقط


والله اعتزالة فقيدة ..و خسارة للكرة السعودية بشكل عام .. ولنادي الهلال بشكل خاص
انجازاته الداخلية والخارجية لن ننساهاابد محفورة بذكرانا ماحيينا

وبخصوص انتقال عمر الغامدي للشباب .. اعتبرها مهزلة ..كملت
ليه يروح للشباب مابينة وبين الجيزاني الا اربع سنوات

صدقوني السنة الجاية بيرجع يفاوض الهلال الشباب ويطلب الغامدى
لانه بيسوي الكثييييير ..و بيقدم مستويات ولا اروع ..((وان غدا لناظرة قريب ))


يعطيك العافيه اخوي شلهوب سدير على الصور
شاكرة لك جهودك المستمرة في نقل الصور
ولاتغيب واجد دائما اتحفنا بالجديد
عساك على القوة يارب
دمتا في حفظ الرحمن "

اكرر كلامي دااائمااا من قبل مايبدا هذا الموووسم وانا متشاائمه منه ..

بدايتها بالغامدي .. اوك الصفقه ناجحه بس لو كانت على حساب لاعب ثاني غير الغامدي .. فيه لاعبين الهلال في غنى عنهم .. مثل الغنام والبرقااان .. الغامدي مريح في الملعب ..

اللاعب اللي حببني في الكوره وحببني في الهلال .. يروووح كذااا .. كم اكرهك يالبلطان

ووصولا لدعيع .. واللي خبر اعتزاله كان صدممممممه .. اخر شي كنت اتوقعه هذا الخبر ابدا مو وووقته ياابو عبدالعزيز .. الحين الهلال راح يعااني في الحراسه .. صحيح العتيبي يطلع منه بس مو في مستووى الدعيع وكان مصدر امااان لنااا كهلاليين

اللاعب اللي بتفتقده الجماهير السعوووديهـ كلهاا .. اذا في حواااريهم يضرب فيهـ المثل .. داخل بيوتهم يضرب فيهـ المثل في كل مكااان ترك ابو عبدالعزيز بصمه ..

واخيراااا واللي مخوووفني سالفة جيرتس ورحيله من عدمهااا .. هذه تشتت ذهن المدرب اولا واللاعبين برضوووا ..

والله يعدي هذا الموسم على خير

شلهوووب قلبت الموااجع بصووورك شكرااا من اعماق قلبي