جولات صبآحيه بنكهه ضبابيه : )

IBRAHEM · 09-12-2009, 11:43 AM

السلام عليكم .. يالله حيهم ياربي وكل عام وانتم بخيـر وبصحه وبعافيه

وعيدكم مبارك وتقبل الله منا ومنكم صالح الأعمال

ومبروك عليـكم هالأجواء الحلوه الي نعيش فيها هاليومين ابد الأسبوع الي راح

بدخل المجمعه لقيتهم حاطين جمرك ويبون جوازي يقولون منحب اطيب من باريس

مالكم بالقرق الواجد واليوم باخذكم بجوله صباحيه في ربوع السيدراويه والغاطيه

والشقراويه والأشقراويه << يعني اشيقر

بنشوف مع بعض فيها كيف المناظر بنكهه الأجواء الباريسيه غيوم وسحب وضباب

ورذاذ بس تخيلو معي وانتم تناظرون الصور ان فيه رذاذ ينزل عليكم

بالضبـط هذا جونا ثاني ايام العيد

//

IBRAHEM · 09-12-2009, 11:44 AM

طبعاً نقطه الإنطلاق بتكون من المجمعه

وهذي لقطه لها بعد طلوع الشمس

وبعدها مسكنا خط شقراء الي يوديك لشقرا واشيقر ومكه الخ
طبعاً قبل اشيقر فيه نفود ومع المطر الي جاه طالع شي خراآفي

اهمشي تخيلو الرذاذ ينزل عليكم في مثل هالمنظر
وقسسم حاجه تهوس يالله لك الحمـد

وصلنا أشيقر طبيعي من تنذكر اشيقر في الآونه الأخير ينذكر القرية التراثيه فيها
ما شاء الله عليهم اشتغلو فيها شغل موب طبيعي ولا يكفيها موضوع ولا موضوعين
عشان اتكلم عنها واوريكم صورها .. بس بناخذ لفه سريعه لها بس من برى

كلشي فيها حاجه ثانيه تراث على اصوله وتقاليد تعيشها كنك بوقتها

دكاكين وكلشي قديـم موجود فيـها انصح الي وده يشوف قرية تراثيه بحق وحقيق
يروح لها

تمنيت انه مفتوح بشوف وش بداخله

يا لبيـه بس هنا الكرسي جازلي بين البابين

حتى السكك فيها تهووس

وللمجد بقيه ولسى ما اكتفو ويبون يسونها احسن واحسن ويكبرونها
ويعيدون تجديد كل تراثهم بمثل هالطريقه

من فيكم اسمها مي ؟! اهدي هالباب لها

وهالمنظر بعد ما نطلع من القريه

//

IBRAHEM · 09-12-2009, 11:45 AM

وهذا حنا اقبلنا على شقراء الي بصراحة ابهرتني بجمالها
وخصوصاً الجمال المعماري فيها .. ابدعو في الدورات والمجسمات فيها

طبعاً الشين فيها ان اول ما تدخلها يقابلك السجن المركزي
الله يكفينا شره بس

غيمه تهبل من الحلى فيها ما شاء الله

هالمجسم اعتقد انه مرره قديم وانا صغير قد شفته

اهمشي الجمس الأحمر

البق بن الشقراويه

وبعد هنـا ولاحظو الإنعكاس

واذا طلعنا منها نشوف هالمنظر الخرآفي

//

IBRAHEM · 09-12-2009, 11:46 AM

وانا راجع بالطريق رقيت لي في مرتفع وصارت الغيوم تمشي بجنبي
او بالأصح صرت داخل فيـها بوقتها حسيت اني موب بسدير ابد ابد

مستوعبين الحكايه ؟!

فجئه تذكرت ان الغاط جايها مطره حلوه امس باليل وقلت يلا توكل على الله وروح لها
وقبل الغاط بشوي لقيت هالشعيب السعينون وتشووفون زبد الشعيب على جنبه

يالله كم اشتقنا لمثل هالمناظر الله يزيدها

وهذي عند الغاط على اليسار مع الطريق القديم في شعيب توه بادي يمشي

وهنا الزبد الحقيقي

وهذا شلال على قد الأمطار الي جت

ان شاء الله لو ربي كتب لنا امطار وخيور بتشووفون مثل هالشلال وضعفه الف مره

وهذي وداعيه قبل ما ندخل الغاط القميله

حركه وقسسم

هنـا المنظر شي ثاني تخيلو تشووفون الغاط متغطيه بالضباب

IBRAHEM · 09-12-2009, 11:47 AM

بعدين سحرني هذا المركز بجماله وخصوصاً في هالأجواء

طبعاً مركزالرحمانيه الثقافي تأسس على يد الأمير عبدالرحمن احمد السديري عام 1414 هـ

هنا شكله وتحفه الأشجار والماء والخضره بس بقي الوجهه الحسن

ولقطات متنوعه له .. بصراحة عجزت امسك نفسي على تصوير هالمناظر
خصوصاً في هالأجواء وبرضوو الرذاذ ينزل علينا

لاحظو الإنعكاس على الباب للمنظر الخرافي

طبعاً يوجد مكاتب لها ثقلها

//

وانا راجع لقيت هذا الجمل القميل .. والراعي معصب عليه ليش ؟!
عشان هذا الجمل عصى ولي امره ويسمونه عاصي وصار ما يتحرك وواقف بالخط
وموب راضي يتحرك اشوى بغى يعدمنا بس فكني الله

هذا سد المجمعه حالياً

وهذي صورته الموسم الي راح وهو من قوة الأمطار انكسر وصب من فوق

قولو يارب ما يجي بكرى الا وهو صاير مثل كذا

//

IBRAHEM · 09-12-2009, 11:50 AM

اخيراً خلص تقريري معكم بهالجولة الصباحيه والضبابيه والباريسيه
اتمنى اني وفقت في هالتقرير وترى كل الصور جت على السريع
يعني وانا ماشي تداركاً للوقت يارب يعجبكم كلشي هنـا واعذرونا على القصور

أﭽდـّل إِنـωـآنـه ❥ · 09-12-2009, 04:28 PM

أهللللللللللللللللللللن هلاآآ والله
أمس أشوفك في الإقلاآآع

أنت إنسآآن كوويسسسس كويسسس
مآ شآء الله علييييك

تصويرك
لاآآ تعليق والله ، من أجمل وأحلى وأفضل الصور اللي مرت علي بحيآتي كل أبوهآ
شي مآ شآء الله
خآصة الغيوم وه سبحآآن الله بسسس
يسعد قلبك ~